Хөдөлмөр, нийгмийн хамгааллын яам, Хөдөлмөрийн аюулгүй байдал, эрүүл мэндийн төвөөс жил бүр зохион байгуулдаг “ЭРҮҮЛ АЮУЛГҮЙ АЖЛЫН БАЙРЫГ ЭРХЭМЛЭГЧ БАЙГУУЛЛАГА” болзолт уралдаан 13 дахь жилдээ зарлагдаад буй. Уралдаанд оролцох аж ахуйн нэгж байгууллагуудын материал хүлээн авах хугацааг 2024 оны 03 дугаар сарын 22-ны өдрийг дуустал сунгасан тул та бүхэн идэвхтэй оролцоно уу.
Үйлдвэрлэлийн орчин нөхцөлийг сайжруулах, ажилтныг ажлын байран дахь осол, мэргэжлээс шалтгаалсан өвчлөл болон бусад эрсдэлт хүчин зүйлийн нөлөөллөөс хамгаалах, урьдчилан сэргийлэх, аж ахуйн нэгж байгууллагаас явуулж буй дэвшилтэд үйл ажиллагаа, санаачилгыг урамшуулан дэмжих, нийтийн хүртээл болгох, аюулгүй ажиллагааны зан үйл, соёлыг төлөвшүүлэхэд уралдааны гол зорилго оршиж буй юм.