Орхон аймгийн Хөдөлмөр, Нийгмийн түншлэлийн гурван талт хамтын хэлэлцээрийн 4.8 дахь заалтын хэрэгжилтийг хангах ажлын хүрээнд аж ахуйн нэгж, байгууллагуудын хамтын гэрээний биелэлт, тус хэлэлцээрийн хэрэгжилтийн байдал, ХАБЭА-н нөхцөлийг сайжруулсан шилдэг аж ахуйн нэгж байгууллагуудыг шагнаж урамшууллаа.
ХАБЭА-н нөхцөлийг сайжруулсан шилдэг байгууллагаар:
1. Эрдэнэт, Булганы Цахилгаан Түгээх Сүлжээ ТӨХК: Тус байгууллагат нийт 658 ажилтан ажиллаж байна. Энэ онд ХАБЭА-н зардлыг 1.5 хувиар батлуулж ажилладаг, ажилтнуудын ажиллах нөхцөлийг сайжруулж, Цахим Эрдэнэт хөтөлбөрийн хүрээнд “call center” үйлчилгээг нэвтрүүлжээ.
2. “Ачит Ихт” ХХК: Үйл ажиллагааны онцлогт нийцүүлэн эрсдэлтэй ажлын байрны болон тусгай сургалтын эрхийн гэрчилгээг ХНХЯ, ХАБЭМ-н төвөөс авч үйл ажиллагааг тогтмолжуулжээ. Эрүүл мэндийг дэмжих хөтөлбөрийг хэрэгжүүлж, ердийн өвчний тохиолдлыг бууруулж чаджээ.
3. Дэгдээхэй цэцэрлэг: 0-5 насны 390 гаруй хүүхдэд сургуулийн өмнөх боловсролын үйлчилгээг хүргэн ажилладаг. Хөгжлийн бэрхшээлтэй хүүхдэд болон иргэдийн онцлогт нийцүүлэн орчны нөхцөл, дэд бүтцийн асуудлыг шийдвэрлэжээ.
4. ЕБ-ын V сургууль: Сургалтын орчны хөдөлмөрийн аюулгүй байдлыг хангах, урьдчилан сэргийлэх ажлын хүрээнд “гэгээтэй цонх” “өнгөлөг анги” аяныг зохион байгуулж эцэг эх, суралцагчдын оролцоотойг ханган ажиллажээ.
5. СӨБ-ийн V цэцэрлэг: 0-5 насны 184 хүүхэд хүмүүждэг. Ангилан ялгах тэмдэг бүхий хогийн савны тоог нэмэгдүүлж, эрүүл ахуйг ханган ажиллаж байна. Цэцэрлэгийн гадна орчны тоглоомын талбайг стандарт шаардлагад нийцүүлжээ.
Мөн ХАБЭМ-ийн 2021-2025 оны үл ажиллагааны хөтөлбөрийг хэрэгжүүлэх ажлын хүрээнд зохион байгуулсан “Сургалтын байгууллагад хүүхдийн аюулгүй байдлыг хангах нь” илтгэлийн уралдаанд амжилт үзүүлсэн албан хаагчдад шагналыг гардуулан өглөө.
