(+976) 7035-2644 info@hab.erdenet.mn

Мэдээ мэдээлэл

“ХӨДӨЛМӨРИЙН ТУХАЙ ХУУЛЬ” ШИНЭЧИЛСЭН НАЙРУУЛГА СУРГАЛТ БОЛЛОО.

Image

Нэг. Сургалтын бүрэлдэхүүн

1.1. “Хөдөлмөрийн тухай хууль” шинэчилсэн найруулга сэдэвт 24 цагийн сургалтыг төлөвлөгөөний дагуу 2023 оны 10 дугаар сарын 30,31, 11 дүгээр сарын 01-ний өдрүүдэд зохион байгуулж сургалтыг Аймгийн ХХҮГ-н газрын дарга Х.Эрдэнэбат нээж үг хэллээ.

1.2. Хувийн хэвшлийн аж ахуй нэгж байгууллагын удирдах ажилтан болон хүний нөөцийн ажилтнуудын хууль эрх зүйн мэдлэгийг дээшлүүлэх, хөдөлмөр эрхлэлтийн харилцаанд төлөөлөх эрх, үүргийг хэрэгжүүлэх, ажлын төлөвлөлт, уялдаа холбоог сайжруулан чадавхжуулах зорилгоор Хувийн хэвшлийн аж ахуй нэгж байгууллагын удирдах ажилтан болон хүний нөөцийн 100 ажилтан оролцлоо.

1.3. Сургалтыг аймгийн Хөдөлмөр халамж үйлчилгээний газрын сургалтын танхимд явууллаа.

Хоёр. Сургалтын явц

2.1. Сургалт хөтөлбөрийн дагуу зохион байгуулагдсан ба техник хэрэгслийн саатал гараагүй болно. 

2.2. Сургалтыг Хөдөлмөрийн тухай хууль /шинэчилсэн найруулга/-ын ойлголт сэдвийн хүрээнд тухайн агуулгын ач холбогдлыг таниулах зорилгоор хуульд орсон шинэчлэлийн талаар  нэрлэн тайлбарлаж өглөө.

2.3. Мөн “Ажил эрхлэлт, хөдөлмөрийн харилцааны суурь зарчим, үндсэн эрх, Хөдөлмөрийн харилцаан дахь нийгмийн түншлэл, Хамтын гэрээ, хамтын хэлэлцээр, Ажил олгогчийн үүрэг, хөдөлмөрийн дотоод хэм хэмжээ боловсруулж мөрдүүлэх эрх зүйн зохицуулалт, Ажил амралтын цаг, цалин хөлс, Хөдөлмөрийн гэрээний нийтлэг зохицуулалт, Хөдөлмөрийн сахилга, хариуцлага, маргаан, Хүн амын зарим бүлгийн хөдөлмөрийн эрхлэлтийн харилцаа, Хөдөлмөр эрхлэлтийн харилцаа үүсэх, дуусгавар болох” гэсэн сэдвээр хууль эрх зүйн орчин, анхаарах асуудал зэрэг агуулгыг танилцууллаа.

2.4.  Хөдөлмөр эрхлэлтийн харилцаа үүсэх, дуусгавар болох сэдвээр мэдээлэл өгч, жишээгээр тайлбарлаж багаар дадлага ажил гүйцэтгүүллээ.

2.5. Шинэчилсэн Хөдөлмөрийн гэрээг оролцогч нарт өгч өөрсдийн хариуцсан салбар, байгууллагын онцлогийг харуулсан Хөдөлмөрийн гэрээ хийх дадлага ажил хийлээ.

Гурав. Сургалтын дүгнэлт

3.1. Оролцогч нараас заасан сэдвүүдийн хүрээнд багш нар асуулт асуухад 80-90 хувьтай хариулсан бөгөөд сургалт оролцогч нарт хүрсэн, үр өгөөжтэй болсон байна гэж дүгнэгдлээ.

            3.2. Байгууллагуудын зарим оролцогч нар Байгууллагын төвшинд ажилтнуудыг Хөдөлмөрийн тухай хууль /шинэчилсэн найруулга/ сургалтад хамруулах хүсэлтэй байгаагаа илэрхийллээ.

3.3. Сургалтын мэдээг Аймгийн Arbis.mn сайт, Hab.erdenet.mn сайт, ХХҮГ-н фейж хуудас, фейсбүүкээр сурталчилсан болно.

Дөрөв. Сургалтад хамрагдсан оролцогчдын сэтгэгдэл

4.1. Хөдөлмөрийн тухай хуулийн сургалт гарын авлага, дасгал даалгавар ойлгомжтой үр өгөөжтэй сургалт болсон нь оролцогчдын сэтгэгдлээс харагдаж байна.

-Дасгал даалгавраар мэдлэгээ бататгалаа. Мөн гарын авлага ном бэлэглэсэнд маш их талархаж байна. Амжилт хүсье.

-Цаг үеэ олсон, ажил олгогч нарт маш хэрэгтэй онолын болон практик дадлагад чиглэсэн сургалт болов. Ажлын амжилт хүсье.

-Хөдөлмөрийн тухай хуулийн тодорхой зүйл заалт бүрийг тайлбарлаж өгсөн сайхан сургалт боллоо. Цаашдаа Хөдөлмөр эрхлэлтийн тухай дэлгэрүүлж унших боломжтой болсонд баярлалаа.

-Маш үр дүнтэй сургалтад суулаа. Хуулийн зөвлөх авч зөвлөгөө авах хэрэгтэй юм байна гэж бодлоо.

-Хууль эрх зүйн бичиг баримтыг шинэчилсэн найруулгын боловсруулах аргазүйн, практик сургалт зохион байгуулж өгсөнд маш их баярлалаа. Өгөөж гоё сургалт боллоо. Багш чадварлаг байлаа.

-Сургалт үр дүнтэй сайхан боллоо. Улиралд 1 удаа сургалт явуулдаг бол зүгээр болов уу. Сургалтад оролцож байгаа хүмүүс зарим нь бүдүүлэг байна. Багшийг болон бусдыг сонсохгүй их ярьж, бүдүүлэг байна.

-Хөдөлмөрийн тухай хуулийн шинэчилсэн зүйл заалтуудыг мэдэж авлаа. Багшийн заах арга зүй маш сайн үр өгөөжтэй сургалт боллоо.

-Үр өгөөжтэй сайхан сургалт байна. Багшдаа баярлалаа. Хөдөлмөрийн тухай хуулийн шинэчилсэн найруулгын талаар өөрийн мэдлэгээ сайжрууллаа.

-Сургалтын дадлага ажил туршлага судлах боломж бүрдүүлж байна. Энэ нь давуу тал байсан.

-Энэ сургалтад сууснаар хуулийн мэдлэг нэмэгдэв. Тодорхой жишээн дээр ажилласан нь давуу тал байв.

-Маш хэрэгтэй сургалт байна. Улиралд 1 удаа цаашдаа ийм чиглэлийн сургалт явуулбал зүгээр байна.

-Хөдөлмөрийн тухай хуулийн шинэчилсэн хуулийн талаар мэдээлэл өгсөнд баярлалаа.

-Дадлага ажил дээр тулгуурласан хэрэгцээтэй сургалт байлаа.

-Хөдөлмөрийн тухай хуулийн сургалтад бидний мэдлэгийг бататгасан сайхан сургалт боллоо. Дадлага ажил үр дүнтэй байна баярлалаа. Та бүхэнд ажлын амжилт хүсье.

-Өдөр тутмын үйл ажиллагаанд хэрэг болдог хууль эрх зүйн мэдлэгээ дээшлүүлэхэд хэрэгтэй сургалт боллоо.

-Маш гоё өгөөжтэй сургалт боллоо. Дадлага гоё санаа авахуйц болов. Улам их амжилт хүсье.

-Цаг үеэ олсон ажил олгогч нарт маш хэрэгтэй мэдээлэл өгсөн сургалт боллоо

-Цаг үеийн шаардлага хангасан. Хэрэгцээтэй сургалт байлаа. Баярлалаа гэсэн байв.         

           

         

Таны IP хаяг: 3.234.244.181
  • 2 Онлайн
  • 90 Өнөөдөр
  • 88 Өчигдөр
  • 210 Долоо хоногт
  • 548 Сүүлийн сард
  • 17631 Нийт хандалт