Манай улс жил бүрийн 4 дүгээр сарыг ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН ЭРХИЙН өдөр болгон зарлаж, ажлын орчинд гарч болзошгүй осол гэмтэл, өвчлөлөөс урьдчилан сэргийлэх арга хэмжээнүүдийг улс орон даяар зохион байгуулдаг билээ.
Энэ жил үйлдвэрлэлийн орчин нөхцөлийг сайжруулах, ажилтныг ажлын байран дахь осол, мэргэжлээс шалтгаалсан өвчлөл болон бусад эрсдэлт хүчин зүйлийн нөлөөллөөс хамгаалах, урьдчилан сэргийлэх, ажлын байрны соёлыг төлөвшүүлэхэд төрийн болон төрийн бус байгууллагуудыг татан оролцуулах тэдний сайн туршлагыг олон нийтэд түгээн дэлгэрүүлэх ажлыг “ЭРҮҮЛ АЮУЛГҮЙ АЖИЛ-БИДНИЙ СУУРЬ ЭРХ” уриан дор тэмдэглэж байгаа юм.
Хөдөлмөрийн аюулгүй байдал, эрүүл ахуйн талаарх төрийн бодлогын үндэс нь хөдөлмөр эрхэлж байгаа иргэн, ажилтны амь нас, эрүүл мэндийг бүх талаар хамгаалахад чиглэгдсээр ирсэн. Энэ хүрээнд хөдөлмөр эрхэлж байгаа иргэн, ажилтны амь нас, эрүүл мэндийг хамгаалах бодлого хэрэгжүүлж, үйлдвэрлэлийн ослын тохиолдлыг бууруулах, ослыг тэглэх, ХАБЭА-н стандарт хууль эрх зүйн зохицуулалтыг боловсронгуй болгох, хэрэгжилтийг сайжруулах замаар эрүүл аюулгүй ажлын байрны орчныг бүрдүүлэх, ажил олгогчийн үүрэг хариуцлагыг өндөржүүлэхэд оршиж байгаа юм.
Орхон аймгийн Хөдөлмөрийн аюулгүй байдал, эрүүл ахуйн зөвлөл, Хөдөлмөр, халамж үйлчилгээний газар, аймгийн үйлдвэрчний эвлэлийн холбоо, аймгийн ажил олгогч эздийн холбоо, Эрдэнэт, Булганы цахилгаан түгээх сүжээ ТӨХК-тай хамтран Орхон аймгийн 2023 оны сарын аяны нээлтийн үйл ажиллагааг 2023 оны 04 дүгээр сарын 10-ны өдөр зохион байгууллаа.
Сарын аяны хүрээнд:
-Нээлтийн үйл ажиллагааг нээж /Орхон аймгийн засаг даргын орлогч, ХАБЭА-н зөвлөлийн дарга А.Түвшинжаргал/
-ЭБЦТС ТӨХК-ний ХАБЭА-н ажлын манлайлал сэдвээр /ЭБЦТС-ТӨХК-ийн Дотоод хяналт, аюулгүй ажиллагааны хэлтсийн дарга Л.Энхзул, ҮЭХорооны дарга Б.Ганбат/
-Хөдөлмөр эрхэлж байгаа ажилтан иргэний ажиллах чадвар, эрүүл мэндийг хэвээр хадгалах, урьдчилан сэргийлэх арга хэмжээнүүд, түүнтэй уялдсан үйлдвэрлэлийн осол, хурц хордлогын өнөөгийн байдал, анхаарах асуудал сэдвээр /Хөдөлмөрийн хяналтын улсын байцаагч Д.Эрдэнэбаяр/
-“Эрүүл аюулгүй ажил-Бидний суурь эрх" уриан дор хийгдэх ажлууд, мөн 2023 оны ажлын төлөвлөгөөний талаар /ХХҮГ-н хөдөлмөрийн харилцаа, ХАБЭА хариуцсан мэргэжилтэн Ө.Есүхэй/ нар тус тус мэдээлэл өглөө.
Тус сарын аяны хүрээнд 30 аж ахуй нэгж байгууллагуудын 60 хүн нээлтийн үйл ажиллагаанд оролцож, харилцан мэдлэг, мэдээлэл солилцлоо.