Хөдөлмөрийн аюулгүй байдал, эрүүл ахуйн сарын аян-2022 эхэллээ

Орхон аймгийн ХАБЭА-н зөвлөлөөс ХАБЭА-н сарын аяны нээлтээ зохион байгуулж Аймгийн хэмжээнд аюулыг мэдээлэх гар утасны аппликейшнийг ажиллуулж, эрсдэлийг арилгах талаар авч хэрэгжүүлж байгаа арга хэмжээний тухай хотын захирагчийн албаны дарга С.Ганцогт, ХАБЭА-н зөвлөлийн HAB.Erdenet.mn web сайтаар мэдээлэл, арга зүйн удирдлагыг хэрэгжүүлэх тухай ХХҮГ-ын Хөдөлмөр эрхлэлтийн хэлтсийн дарга Г.Ганцэцэг, Хөдөлмөрийн аюулгүй байдал, эрүүл мэндийн 2021-2025 оны үйл ажиллагааны хөтөлбөрийн мэдээллийг Аймгийн засаг даргын орлогч, ХАБЭА-н зөвлөлийн дарга А.Түвшинжаргал, ХАБЭА-н олон нийтийн хяналт ба сарын аяны хүрээнд ҮЭ-ийн байгууллагаас хэрэгжүүлэх ажлуудын талаар ОАҮЭХ-ны дарга М.Батцоож, АХНЗГТ 2021-2022 оны хамтын хэлэлцээр дэх ХАБЭА-н асуудлын зохицуулалтын талаар АОЭХ-ны тэргүүн Л.Цэдэнсодном нар танилцууллаа. Нээлтийн үйл ажиллагаанд ТӨХК, үйлдвэр, аж ахуйн нэгж байгууллагуудын ХАБЭА-н нэгж, бүтцийн дарга нар болон зөвлөлийн дарга нар оролцлоо. Оролцогчдод сарын аяны хүрээнд улсын хэмжээнд хийгдэх болон аймгаас зохион байгуулах ажлын чиглэлийг албан бичгээр хүлээлгэж өглөө.