Орхон аймгийн Засаг дарга С.Батжаргал, ажил олгогч эздийн холбоо болон Үйлдвэрчний Эвлэлийн эрх бүхий төлөөлөгчид Монгол Улсын Хөдөлмөрийн тухай хуулийн хоёрдугаар бүлгийн 19.1.4, 20.4.4 дэх заалт, аймгийн Засаг даргын 2020-2024 оны үйл ажиллагааны хөтөлбөр, Орхон аймаг, Эрдэнэт хотыг 2021-2025 онд  хөгжүүлэх үндсэн чиглэлийг тус тус үндэслэн хөдөлмөр, нийгмийн зөвшлийн гурван талт 2021-2022 оны хамтын хэлэлцээрийг байгуулав. 

           2021-2022 оны Орхон аймгийн хөдөлмөр, нийгмийн зөвшлийн гурван талт хамтын хэлэлцээрт 7 бүлгийн 13 зүйл заалтын 80 арга хэмжээ тусгагджээ. 

        Хүн амын амьжиргааны болон цалин хөлсний доод хэмжээ, нөхөн олговор, хөдөлмөр эрхлэлт, түүнтэй холбогдсон хууль ёсны ашиг, сонирхлыг хамгаалах хүрээнд үүссэн хөдөлмөрийн харилцааны нийтлэг асуудлуудыг зохицуулах, нийгмийн түншлэлийг хөгжүүлж, хамтын үйл ажиллагааг хэрэгжүүлэхэд эрх тэгш оролцоог хангах зорилгоор нийгмийн зөвшлийн гурван талт хэлэлцээрийг байгуулдаг.